Словенија го зголеми минималецот на 1000 евра. Словенечкиот министер за труд потпиша одлука за минималната плата за 2026 година, која беше објавена во Службениот лист на 30-ти јануари, исполнувајќи го законскиот рок до 31-ви јануари. Минималната бруто плата во Словенија ќе изнесува 1.481,88 евра, што значи дека вработените со полно работно време ќе примаат околу 1.000 евра нето месечно.
Министерството за труд објаснува дека минималната плата мора да биде 20 до 40 проценти над минималните трошоци за живот. За 2026 година, овој опсег беше од 1.372 до 1.648 евра бруто. Министерот одлучи за износ од 1.442,92 евра бруто, кој потоа беше усогласен со инфлацијата од 2,7 проценти, што доведе до конечната сума од 1.481,88 евра.
Зголемувањето на минималната плата влијае и на други надоместоци кои законски се поврзани со минималната плата, вклучувајќи надоместоци за невработени, часовни стапки за студентски труд, надоместоци за лични асистенти и слични социјални и работни примања. Оваа одлука има поширок општествен значај и влијае на поголем број луѓе отколку што изгледа на прв поглед.
