На албумот „Мртва природа“ една од бројните песни беше и добро познатата „На западу ништа ново“. Оваа песна предизвика лавини реакции во далечната 1981 година, а најгласни биле од тогашниот Сојуз на борците на Скопје. Оттаму изнеле тешки забелешки за оваа песна, особено за деловите каде авторот кажува „За идеале гину будале“ и „Кретени дижу буне и гину“.
Поради овој притисок, Југопапир спроведува интервју со Бора Ѓорѓевиќ во кое тој кажува што мислел со текстот на песната.
Па така во делот „За идеале гину будале“, Бора Чорба го кажува следното:
„Тука постоеше недозразбирање. Кога го кажав тоа мислев на оние Ирци кои штрајкуваа со глад и така се убиваа, па потоа и на оние од Џонсовата екта како и на Црвените Бригади кои имаа кретенски мотиви за идеали.“
Понатаму за „велики упорно зезају мале“ вели дека мислел на односот на север и југ односно империјалистичките сили и неразвиените земји. Од познатиот случај во белградската Железничка болница добил инсипрација за „У болници пацови појели бебе“, а од секојдневните државни удари во Африка добил инспирација за „У Африци опет државни удар“.
