Светското првенство во фудбал 2026 година се приближува, а составот на учесниците полека се комплетира. Досега, 28 од вкупно 48 репрезентации се познати, а најмногу учесници доаѓаат од Африка, со девет квалификувани тимови. Осум репрезентации од Азија, шест од Јужна Америка, и по една од Океанија и Европа, исто така, обезбедија свои места на овој значаен настан.
Домаќините САД, Канада и Мексико веќе се сигурни учесници, а дополнителните 25 национални тимови се пробиле преку квалификациите. Хрватска, иако математички не е 100% сигурна, се смета за прва европска репрезентација која ќе учествува, со 99,9 проценти шанси за квалификација.
За некои репрезентации, ова ќе биде историски момент, бидејќи Јордан, Узбекистан и Зеленортски Острови ќе настапат на своето прво Светско првенство. На списокот на познати учесници од Азија се наоѓаат: Австралија, Иран, Јапонија, Јордан, Јужна Кореја, Узбекистан, Катар и Саудиска Арабија. Од Африка, репрезентациите кои обезбедија место се: Алжир, Тунис, Мароко, Египет, Гана, Зеленортски Острови, Јужна Африка, Брегот на Слоновата Коска и Сенегал.
Во Конкакаф, Канада, Мексико и САД се сигурни учесници, додека од Конмебол, Аргентина, Бразил, Колумбија, Еквадор, Парагвај и Уругвај веќе се на списокот. Од Океанија, Нов Зеланд е единствениот учесник, а од Европа, Англија е единствената репрезентација која засега е потврдена. Останува да видиме кои дополнителни тимови ќе се приклучат во следните месеци.
