Во Подгорица, жителите на населбата Забјело организираа протест по инцидентот во кој група турски државјани нападнаа и повредија еден локален жител. Овој настан предизвика серија напади на имотот на турски граѓани, вклучувајќи и уништување на угостителски објект во центарот на градот, сопственост на турски државјанин. Полицијата во Подгорица истражува и случајот со запалениот автомобил во близина на турската компанија Зерен Моторс.
Премиерот на Црна Гора, Милојко Спajиќ, најави итно укинување на безвизниот режим за турските државјани. Тој изјави: “Во интерес на економската стабилност и добрите билатерални односи, ќе започнеме интензивни преговори со Турција за да најдеме најдобро решение за двете страни.” Спajиќ ја истакна важноста на соработката помеѓу двете земји.
На оваа ситуација реагираше и турскиот новинар Ибрахим Хаскологлу, кој остро ја критикуваше политиката на Црна Гора. Тој изјави: “Не можете да ја обвинуваате цела Турција за вашите проблеми. Вашата политика е причината за оваа ситуација. Прифативте во вашата земја луѓе кои учествуваа во нелегални активности, а сега се обидувате да ја префрлите вината на Турција.”
Според последните податоци, во Црна Гора живеат околу 100.000 странци, од кои повеќе од 13.000 се турски државјани. Оваа ситуација предизвика загриженост и меѓу локалното население и меѓу турските граѓани, кои се чувствуваат загрозени во својата безбедност. Протестите и насилството само ја влошуваат ситуацијата, а одговорноста за тоа лежи во политичките одлуки и постапки на властите.
