Опсесијата на Трамп за Гренланд го принудуваат просечниот човек ширум светот да постави едноставно логично прашање: зошто на САД му е потребен Гренланд?
– едноставно, поради геостратешката положба на Гренланд. Доволно е да се знае географија за тоа да се разбере
– САД сакаат да имаат контрола над Гренланд повеќе од 150 години. Тие секогаш сакале да имаат повеќе поморски правци до Арктикот. Кога САД ја купија Алјаска од Русија во 1867 година, тие веќе размислуваа да го купат и Гренланд. Но тогаш не успеале во тој план
– По Втората Светска Војна САД и понудија на Данска 100 милиони долари за островот. Данска откажа, но САД постигнаа договор за создавање на воени бази. Воената база Туле – сега Питуфик, е најсеверната американска воена база
– Во 2009 година, Гренланд доби самоуправа и американскиот интерес за него беше повторно разбуден од стратешки причини: територијата на Гренланд е речиси колку Алјаска и Тексас заедно
– Гренланд се наоѓа на патеките за летање на руските, кинеските, севернокорејските интерконтинентални балистички ракети кон САД, како и американските во спротивна насока. Плус над Арктикот се маршутите за летање на авионите. Околу Гренланд се наоѓаат подводните маршути низ кои минуваат руските нуклеарни подморници на патот кон САД. Од двете страни на Гренланд се стратешките морски патеки – северозападниот премин и јазот Гренланд-Исланд-Обединетото Кралство кое е основата на анти-подморничката одбранбена линија на НАТО во Северен Атлантик.
– Гренланд е потенцијална ризница на ресурси. Ледената покривка покрива околу 4/5 од островот и содржи 7% од свежата вода во светот. Неразвиените наоѓалишта на нафта и гас се сметаат за трети по големина на Арктикот. Од 50 ретки метали означени од САД како „критично важни“, 37 може да се најдат во умерени до високи количини на Гренланд (геолошко истражување од 2023 година)
– На ова да ги додадеме амбициите на Трамп да ја зајакне позицијата на САД на западната хемисфера (не за џабе го споменува Панамскиот канал во овој контекст поради контрола на еден од најважните поморски канали) и на Арктикот. Во случајот со Арктикот-Гренланд, Трамп ги плаши луѓето со Кина и Русија.
Денес во светот се е конзистентно во рамките на идејата за ривалство на големите сили и враќање на размислувањето во однос на конвенционалната геополитика и националниот егоизам.
