Бољи Живот нова песна на Дре и Пука Козметика Младиот и талентиран музичар Андреј Јовановиќ – Дре во соработка со пионерите на македонскиот рап Пука Козметика на втори август, за големиот празник Илинден, промовираа нова песна со наслов – “Бољи Живот”.
Музиката и Аранжманот се на Андреј Јовановиќ додека за текстот се погрижија тој и близнаците од Пука Козметика. На песната гостува и Диџеј Славе кој ги остави скречовите, за да ја надополни оваа рап дружба. Снимана е во студиото Алшар кај Ивица Јанкуловски – Штрав кој се погрижи за миксот и мастерингот на песната.
Мелодична музика со тврди рими кои ја отсликуваат реалноста во Македонија. Песната е повик за револуција на умот и борбата за рамноправност. Видео записот го потпиша Катерина Јорданоска за Перспектива рекордс. Погледнете го видеото и слушнете ја песната.
