Будимпешта, 24 мај 2025 (МИА) – Европска комисија најави мерки против Унгарија ако Владата на премиерот Виктор Орбан го усвои контроверзниот закон со кој се ограничува работата на невладините организации.
Конзервативната партија на Орбан, Фидес до Парламентот поднесе нацрт-закон, со кој се предвидени построги прописи за невладините организации финансирани од странство.
ЕК наведе дека нацрт-законот претставува сериозно кршење на правата на Европска Унија и побара повлекување на истиот од законодавниот процес.
Европска комисија, во случај на усвојување на законот за „транспарентност во јавниот живот“, може да иницира посебни постапки поради најави дека ќе преземе посебни постапки, што резултираат со високи казни за земјите-членки, кои не го почитуваат правото на ЕУ.
Нацрт-законот дозволува невладините организации финансирани од странство кои можат да влијаат на јавното мислење да бидат ставени на црна листа. Потоа, невладините организации можат да добијат материјална поддршка од странство само со одобрение од даночната администрација на земјата во која работат.
Доколку невладината организација е финансирана од други средства, таа мора да плати 25 пати поголема сума на државата како казна, во спротивно ќе биде распуштена и забранета.
Од Марина Илиевска Извор МИА
