Анкара, 19 декември 2024 (МИА) – Турскиот претседател Реџеп Таип Ердоган денеска ги повика исламските земји да преземат водечка улога во процесот на меѓународна изолација на Израел „поради неговите агресивни дејствија во регионот“, пренесоа турските медиуми.
Ердоган зборуваше на отворањето на самитот на Д-8 (Исламска осумка) во Каиро.
„Ги гледаме чекорите на Израел кои го занемаруваат територијалниот интегритет на Сирија, вклучително и проширувањето на нелегалните населби во Голанската висорамнина. Верувам дека како Д-8 мора да реагираме многу порешително на овие незаконски дејствија кои ја загрозуваат стабилноста на Сирија и нашиот регион. Како исламски држави мораме да ги насочиме чекорите што треба да се преземат против Израел. Пред се, многу е важно да се воведе ембарго за оружје на Израел и да се запре трговијата со него. Сирија е цел на израелска агресија, рече турскиот лидер, цитиран од ТВ Си-Ен-Ен-Турк.
Од Рената Пепељугоска Извор МИА
