Анкара, 29 декември 2024 (МИА) – Турција ќе осигура безбедност надвор од нејзините јужни граници и ќе ги елиминира терористичките закани кои доаѓаат од тие региони почнувајќи од 2025 година, изјави денеска претседателот Реџеп Таип Ердоган.
„Почнувајќи од 2025 година, ќе осигураме безбедност надвор од нашите јужни граници, особено во однос на тероризмот, и ќе ги елиминираме заканите што доаѓаат од тие региони“, рече тој на конгресот на неговата владејачка Партија на правдата и развојот (АК) во провинцијата Баликесир.
Зборувајќи за падот на поранешниот сириски претседател Башар ал Асад, Ердоган рече дека Турција „ги поддржува братските врски“, им помага на ранливите и уште еднаш излезе како победник, пренесува Анадолија.
Од Пандорка Арсовска-Гацова Извор МИА
