Берлин, 12 февруари 2025 (МИА) – Најмалку 765.000 луѓе починале ширум светот од 1993 до 2022 година поради екстремните временски појави предизвикани од климатската криза, се наведува во извештајот за „Индексот на климатскиот ризик 2025“ објавен денеска од Организацијата за заштита на животната средина и човекови права „Германвоч“ (Germanwatch).
Во извештајот се наведува дека во тој период ширум светот се регистрирани повеќе од 9.400 екстремни временски појави, кои предизвикале директна штета од речиси 4,2 трилиони долари.
Според Организацијата со седиште во Бон, најпогодени од екстремни временски услови се Доминика, Кина, Хондурас, Мјанмар и Италија.
Од Марина Илиевска Извор МИА
