На последниот ден од јануари, Hyundai официјално остана без своите фабрики во Русија. Јужнокорејскиот производител на автомобили не ја искористи опцијата за откуп на своите погонски единици во Санкт Петербург и околината. Уште во декември минатата година, помалку од два месеца пред истекот на рокот, Hyundai објави дека во актуелната ситуација не може да ги откупи своите фабрики. Компанијата нагласи дека на одлуката влијаела геополитичката ситуација, при што економските санкции ги отежнуваат плаќањата и ги нарушуваат синџирите на снабдување.
Двете фабрики во вториот најголем руски град остануваат во сопственост на локалната холдинг компанија AGR. По повлекувањето на Hyundai од Русија, фабриката Hyundai Motor Manufacturing Rus во Санкт Петербург беше продадена на AGR за симболични 10.000 рубљи (110 евра) на почетокот на 2024 година. Во исто време, AGR ја презеде и блиската производствена единица во Шушари, која претходно ја купи од General Motors.
Условите на договорот помеѓу Hyundai и AGR вклучуваа опција за откуп која важеше две години и истече на 31 јануари 2026 година. Иако според некои проценки во Русија инвестирал 500 милиони долари и уживал статус на најголем странски производител на автомобили, Hyundai се откажа од официјалното враќање поради страв од секундарни санкции. Производителот нагласи дека ќе продолжи да обезбедува гаранциски поправки и постпродажни услуги за руските сопственици на возила марка Hyundai и Kia.
Сепак, Hyundai и Kia се сè уште присутни во Русија, а производството во Санкт Петербург продолжува!? Двата бренда развија синџир на снабдување на делови во Русија преку претоварни точки во Казахстан и Кина. Се претпоставува дека компоненти за составување на моделите Hyundai Solaris, Hyundai Creta, Kia Rio и Kia Rio X-Line, кои се продаваат под брендоот Solaris, доаѓаат од овие две земји. Во ноември, Solaris HC (преименуваниот кросовер Hyundai Creta) влезе меѓу петте најпродавани кросовери на руското пазариште.
