spot_img

Трамп: Бајден си заминува како најлошиот претседател во американската историја

Вашингтон, 21 јули 2024 (МИА) - Доналд Трамп, републиканскиот кандидат на претстојните претседателски избори во Соединетите Американски Држави, изјави денеска, по повлекувањето на актуелниот...
spot_imgspot_img
ПочетнаМакедониумИзвршил самоубиство, за да не падне во рацете на бугарските фашисти -...

Извршил самоубиство, за да не падне во рацете на бугарските фашисти – 81 година од смртта на Тодор Ангеловски

На денешен ден 1943 година во битолското село Лавци починал Тодор Ангеловски, попознат како Тошо Даскалов.

Потекнува од селско занаетчиско семејство. Основното четиригодишно училиште го завршил во Лавци. Потоа се запишал во Државната мешовита реална гимназија во Битола, а во учебната 1925/26 година, во Учителската школа во Прилеп. Уште како ученик во Учителската школа, веќе се оформил како напреден младинец. По завршувањето на образованието учителствувал во Гњиланска околија (Србија), а потоа во Македонија во селата: Карбинци, Ѓавато (1936/37 година), Ротино и Цапари (1940/41 година). Член на КПЈ бил од 1939 година.

Во Народноослободителната борба се вклучил уште во 1941 година. Бил организатор и активен учесник во сите значајни настани од HOB во Битола и битолско од 1941 до јуни 1943 година. Имал голема заслуга за создавањето на битолските партизански одреди „Пелистер“, „Даме Груев“, „Јане Сандански“ и „Гоце Делчев“.

Бил командант на здружениот одред „Даме Груев“ во 1943 година, командант на здружените одреди „Даме Груев“ и „Вичо“, член на Окружниот оперативен штаб и командант на Штабот на Втората оперативна зона. За антифашистичката активност, Ангеловски од фашистичкиот окупаторски суд бил осуден на смрт во отсуство. Неговата глава била уценета со тогашни 200.000 лева.

Загинал на 23 јуни 1943 година. Опколен од бугарската војска и полиција, која ја запалила плевната во која се криел, за да не падне жив во рацете на окупаторите, се самоубил.

Придружете се на Вибер каналот на Македонија Денес. Притиснете ТУКА.
spot_img
spot_img