Во контекст на зголемените кибер напади и заканите кон инфраструктурата, германскиот канцелар Фридрих Мерц изјави дека ситуацијата во Германија не може повеќе да се опишува како мирна. На самитот „Schwarz Ecosystem“ во Берлин, тој нагласи дека иако не сме во војна, не сме ниту во мир.
Мерц истакна дека заканите со кои се соочува Германија се реални и не може да се игнорираат. Иако не ги именуваше конкретните напаѓачи, посочи на различни форми на агресија, вклучувајќи дронови, шпионажа и насилство, како што е убиството на чеченскиот активист во берлинскиот парк Тиргартен во 2019 година.
Тој предупреди на постојаните закани за јавните личности не само во Германија, туку и во многу други европски држави. Според него, саботажните дејства и кибер напади се секојдневие, а обидите за парализа на податочните центри се во пораст.
Мерц истакна дека Германија забележала дронови на границата со Данска, што довело до затворање на аеродромот во Данска. Тој додаде дека веројатно секој втор присутен на самитот бил жртва на напади на своите податочни мрежи.
Дроновите што неодамна беа забележани во аеродромите во Данска и Норвешка предизвикаа значителни нарушувања во нивното функционирање. Данските власти го опишаа овој инцидент како „хибриден напад“ и не ја исклучија можноста за поврзаност со Русија.
