Москва, 25 февруари 2025 (МИА) – Кремљ го прифаќа извинувањето на претседателот на Србија, Александар Вучиќ поради грешката при гласањето за „антируската резолуција во Генералното собрание на Обединети нации, изјави денеска портпаролот на Кремљ, Дмитриј Песков.
– Секако, го слушнавме извинувањето и го прифаќаме. Се случуваат технички грешки и таквата брза реакција на шефот на државата многу не импонира, посочи Песков.
Вучиќ синоќа изјави дека Србија при гласањето за европската резолуција за Украина гласала „за“ усвојување, но оцени дека била направена грешка и оти требало да биде воздржана.
– Мислам дека Србија згреши денеска. За тоа им се извинувам на граѓаните на Србија и ја преземам вината, бидејќи веројатно сум уморен и оптоварен и не можам да стигнам се. Објаснувањето што го добив по гласањето во ОН, каде што, за да биде јасно за што се работи, гласавме за европската резолуција. Што се однесува до американската резолуција, гласавме токму онака како што треба, се воздржавме. Според мене, требаше да се воздржиме и за европската резолуција, изјави Вучиќ синоќа на ТВ Хепи.
Од Марина Илиевска Извор МИА
