Пишува Тодор Петров
Македонија нема вечни пријатели, Македонија нема вечни непријатели, Македонија има вечни интереси: Името, идентитетот и просперитетот, добрососедството и соработката во регионот и со светот!
Интересите на големите се нивни интереси, не секогаш се македонски! Затоа, Македонија мора да гради политика на активен мултилатерализам: Од пријатели никогаш доста и билатерални односи со сите и за сите прашања!
Македонија не се оттргна од прегратките на Србија за да се фрли во прегратките на Бугарија! Македонија не излезе од Социјалистичка Федеративна Република Југославија за да влезе во НАТО и Европската Унија!
Македонија треба да остане суверена и самостојна држава!
Македонија преферира и кон евро-атлантските и кон евро-азиските интеграции, кои не мора да завршат со формално членство! Евро-атлантските интеграции не се и не може да бидат антируски!
Доколку антимакедонизмот на Грција, грчкиот геноцид врз македонскиот народ и наци-фашистичкото барање на Хеленската Република се вредост за солидарност на Брисел и Стразбур со Атина, Македонците во целиот свет го отфрлаат пристапувањето на Македонија во сојуз со Европската Унија и НАТО!
Американскиот унилатерализам и европскиот центризам одамна се трајно минато свршено време. Светот и историјата не започнуваат од Брисел и Стразбур ниту завршуваат во Брисел и Стразбур. Светот е мултиполарен и Македонија треба да остане меѓу сите и со сите!
Никогаш северна, само Македонија вечна од исконот до бескрајот! Амин!
Колумната е личен став на авторот.
