spot_img

Галичка свадба во 1955 година (ВИДЕО)

Галичка свадба во 1955 година - вистинско парче богатство. Ова е можеби најстариот видео запис поврзан со традиционалната Галичка свадба. Снимена во 1955 година,...
ПочетнаВестиСветМасовни протести во Аргентина поради мерките за штедење

Масовни протести во Аргентина поради мерките за штедење

- Advertisement -

Работничките синдикати во Аргентина повикаа на масовен штрајк во среда во знак на протест против економските реформи воведени од претседателот Хавиер Милеи.

Работничките синдикати кои ги претставуваат работниците во различни индустрии, вклучително и транспортот, градежништвото и јавниот сектор, треба да маршираат во Буенос Аирес.

„Ќе има најмалку 200.000 на маршот во Буенос Аирес и верувам дека штрајкот ќе биде целосен“, изјави Херардо Мартинез, лидер на Синдикатот на градежните работници во Аргентина, за Фајненшл Тајмс пред протестот. Тој смета дека владата го „крши социјалниот договор“ со своите нови реформи и дека штрајкот може да ги убеди пратениците да ги блокираат мерките и да почнат да преговараат за алтернативни начини за поддршка на економијата.

„Ние не го избравме овој пат, но за жал не ни дадоа алтернатива. Свесни сме дека инфлацијата треба да се намали. Срам ни е што имаме земја со вакво ниво на сиромаштија. Но, не можеме да прифатиме дека трошоците за постигнување економска стабилност паѓаат само на грбот на работниците и средната класа“, рече тој.

Набргу откако Милеи ја презеде функцијата во декември, неговата влада откри серија од околу 300 мерки за „шок терапија“ кои имаат за цел реконструкција на економијата на земјата и зауздување на јавната потрошувачка. Реформите, меѓу другото, ја намалија заштитата на работниците, ги дерегулираа индустриите и ги намалија субвенциите за енергија и транспорт. Програмата за штедење има за цел да ја извлече земјата од тешката економска криза во која годишната инфлација надмина 200 отсто, а повеќе од 40 отсто од Аргентинците сега живеат во сиромаштија.

spot_img
spot_img