Киев, 6 август 2024 (МИА) – Најмалку пет експлозии беа регистрирани доцна синоќа во украинскиот главен град Киев, каде се огласија сирените за воздушен напад, соопштија локалните власти.
Украинските единици за ПВО пресретнале руски проектили истрелани кон Киев, додаваат властите.
Нови експлозии се слушнале околу половина час по првичните експлозии.
Шефот на воената управа на Киев, Сергиј Попко, објави дека според првични податоци нема информации за жртви или штети. Украинските единици за ПВО дејствуваат во Киев и во околината на градот, известија градските власти на Телеграм.
Од Златко Шумковски Извор МИА
