Центарот за развој на Југоисточниот плански регион ги информира граѓаните за предстоечките активности во борбата против комарците. На 28 и 29 мај 2026 година, ќе се спроведе ларвицидна дезинсекција на територијата на општините во Југоисточниот плански регион.
Во Општина Струмица, прскањето е планирано за 28 мај 2026 година, со почеток во 10:00 часот. Оваа активност ќе опфати површина од 20 хектари. Граѓаните се повикуваат да бидат внимателни и да избегнуваат движење во зоните каде што ќе се извршува третманот за време на прскањето.
Пчеларите исто така се предупредуваат да преземат соодветни мерки за заштита на своите пчелни семејства, за да се избегнат непријатности. Во случај на неповолни временски услови, прскањето ќе биде одложено и ќе се реализира во следниот поволен термин.
