Во текот на изминатото деноноќие, полициските службеници на територијата на целата држава лишиле од слобода девет возачи поради безобѕирно управување со возило.
Според информациите од полицијата, најголем дел од приведените управувале без возачка дозвола. Во Скопје биле затекнати две лица без дозвола, а по едно лице без возачка дозвола биле регистрирани во Чашка, Гевгелија, Битола и Кичево.
Дополнително, едно лице во Скопје и едно во липковско управувале возило и покрај тоа што имале активна забрана за управување.
Во Берово, пак, бил лишен од слобода возач кој управувал трактор под дејство на алкохол, при што му биле измерени 1,74 промили алкохол во крвта. Според полицијата, тој и агресивно се однесувал кон полициските службеници.
Од МВР информираат дека по целосното документирање на сите случаи ќе бидат поднесени соодветни кривични пријави.
Воедно, од полицијата апелираат до сите учесници во сообраќајот да ги почитуваат правилата и прописите, да не управуваат возило без положен возачки испит, доколку имаат изречена забрана за управување или ако се под дејство на алкохол, со цел сите заеднички да придонесат за побезбеден сообраќај.
