Компанијата за производство на автомобили Stellantis објави во петокот дека очекува загуба од околу 22 милијарди евра како последица на реорганизацијата на своето работење за да го забрза воведувањето на електрични и хибридни возила. Ова го изјави генералниот директор на Stellantis, Антонио Филоса, пренесува американскиот CNBC.
Акциите на Stellantis потонале за 20 проценти на европските берзи во петокот, веднаш по отворањето на берзите, реагирајќи на масивниот трошок што компанијата го најави. Компанијата однапред објави одредени податоци за четвртиот квартал, наведувајќи дека предвидува нето загуба за 2025 година. Поради тоа, таа ја суспендираше исплатата на дивиденди за 2026 година и планира да собере до пет милијарди евра со издавање хибридни обврзници.
За 2026 година, автомобилскиот гигант цели на среден едноцифрен процентуален пораст на нето приходите и низок едноцифрен пораст на маржата прилагоден оперативен приход. „Трошоците најавени денеска главно ja одразуваат цена на преценување темпото на енергетска транзиција, која нè оддалечи од реалните потреби, можности и желби на многу купувачи на автомобили“, наведе Филоса во соопштението. „Тие исто така одразуваат влијание на претходно лошо оперативно извршување, чиј последици прогресивно ги решава нашиот нов тим“, додаде генералниот директор.
Компанијата соопшти дека паузата во исплатата на дивиденди и издавањето обврзници ќе помогнат во зачувување на билансот на состојба и потсети на потезите што ги презеде минатата година во рамките на својата стратегија на ресетирање. Во тоа е вклучена најавата за „најголема инвестиција во историјата на Stellantis во САД“ во вкупен износ од 13 милијарди долари во текот на четири години, како и лансирање на 10 нови производи, откажување на оние кои не можат да остварат профит во масовна продукција и реструктурирање на глобалните капацитети за производство и управување со квалитетот.
