Украински напад со дрон предизвика пожар во складиште за гориво во руската Ростовска област, нема повредени, тврдат локалните власти

Москва, 28 август 2024 (МИА) – По нападoт со украинско беспилотно летало, избувна пожар во складиште за гориво во Ростовската област, но нема повредени, соопшти денеска гувернерот на тој регион, Василиј Голубев.

„Во областа Каменски избувна пожар во складиште за гориво по напад со дрон, но нема жртви“, напиша Голубев на својот канал Телеграм и додаде дека нема опасност пожарот да се прошири на станбените згради.

Гувернерот на Ростовската област претходно објави дека околу 3 часот по московско време биле соборени четири дронови во Ростовската област и осум над областа Вороњеж.