Неколку лица загинаа и се повредија кога автомобил удри во толпа луѓе за време на уличниот фестивал во Ванкувер, Канада.
Инцидентот се случил околу 20:00 часот по локално време, а на местото на настанот има голем број на жртви, јавуваат канадските медиуми.
Полицијата потврди дека возачот на автомобилот е уапсен.
Според локалните извори, теренско возило удрило во група пешаци за време на традиционалниот фестивал Лапу Лапу, кој ја слави филипинската култура. Фестивалот го оддава почитта на Лапу Лапу, водачот на антиколонијалната борба на Филипините во 16 век.
Непотврдени видеа од социјалните мрежи покажуваат бројни полициски возила, амбуланти и противпожарни служби на местото на инцидентот, а повредените лежат на земја.
Градоначалникот на Ванкувер, Кен Сим, изрази шок и тага на социјалната мрежа X: “Длабоко шокиран и тажен сум поради ужасниот инцидент. Нашите мисли се со сите погодени и со филипинската заедница во Ванкувер во ова неверојатно тешко време”, напиша тој.
#BREAKING: Mass-casualty event after an SUV plowed into a street festival in Vancouver. pic.twitter.com/hW2fDtzRYL
— Insider Wire (@InsiderWire) April 27, 2025
