Американската компанија “Waymo” објави дека нејзините таксисти без возачи ќе бидат достапни на улиците на Лондон од следната година, со што британската престолнина ќе стане првиот европски град со целосно автономна такси служба, пишува Гардијан. Според соопштението на компанијата, возилата во почетната фаза ќе сообраќаат со обучени безбедносни возачи, додека се очекува целосно автономните возења да започнат во 2026 година, по добивањето на потребните дозволи од надлежните британски органи.
“Waymo”, дел од групацијата “Alphabet” во чијашто сопственост е и “Google”, моментално нуди услуги на автономни таксисти во Сан Франциско и уште неколку американски градови. Компанијата истакнува дека ќе блиску соработува со британското Министерство за сообраќај за да обезбеди услови за безбедно воведување на технологијата.
Британската министерка за сообраќај Хајди Александер ги поздрави плановите на американската компанија, нагласувајќи дека “автономните возила ќе придонесат за нови работни места, инвестиции и поголема достапност на превозот”. Комплетната примена на Законот за автономни возила во Велика Британија се очекува до крајот на 2027 година, додека слични проекти за Лондон најавија и “Uber” и локалната компанија “Wayve”.
