Дубровник, 9 октомври 2024 (МИА) – Украинскиот претседател Володимир Зеленски пристигна во Дубровник каде ќе учествува на самитот Украина – Југоисточна Европа.
Тој рече дека планира да разговара со своите соговорници за заедничкиот одговор на безбедносните предизвици и меѓународните напори за спроведување на украинската формула за мир, како и за соработката на патот кон пристапување во Европската унија и НАТО.
Ова е трет самит организиран во овој формат – првиот беше организиран во август 2022 година во Атина, а вториот во февруари годинава во Тирана.
Од Рената Пепељугоска/МИА
