На денешен ден 1999 година започна бомбардирањето на СР Југославија во воената операција „Сојузничка сила“ со која силите на НАТО алијансата ја протераа југословенската војска и полиција од територијата на српската покраина Косово.
При бомбардирањето на НАТО вршени се напади врз воени цели, но и врз стопански и цивилни објекти. Во нападите што траеле 78 дена без прекин, тешко се оштетени бројни инфраструктурни објекти, стопански објекти, училишта, здравствени установи, медиумски куќи, споменици на културата, цркви и манастири. Бројот на цивилни жртви изнесува околу 500-1200 загинати. Економската штета е проценета на 30 милијарди долари.
НАТО бомбардирањето врз СРЈ беше некако брането како легитимно,со добро посакувана хуманитарна причина. Бомбардирањето беше без согласност од Обединетите Нации,каде Генералниот Секретаријат забранил воени акции, исто така ова бомбардирање немаше согласност и од американскиот Конгрес којшто ги отфрлил идеите од тогашниот американски претседател Бил Клинтон, да се предложи да се нападне СРЈ,иако Американскиот претседател реагирал неуставно според американските закони.
НАТО сили во текот на бомбардирањето лансирале близу 420.000 проектили, 1.300 крстосувачки ракети и 37.000 касетни бомби. Убиени се над 2.000 лица, меѓу нив и деца, а материјалната штета е над 100 милијарди американски долари.
Во текот на бомбардирањет било употребено и хемиско оружје поточно ураниум. „Некои го имаат преживеано Холокаустот, но ураниумот нема никој“ ќе напише Ведрана Рудан. Последиците од користењето на муницијата со осиромашен ураниум се чувствуваат и денес како во Србија и Косово така и во Македонија, северните делови на Албанија, Хрватска, Босна и Херцеговина и Црна Гора. Стапката на раст на заболени од канцер во овие земји постојано се зголемува, покажуваат одредени истражувања.
Според други истражувања, десетици италијански војници умреле после војната како последица од употребата на „оружја со осиромашен ураниум кои предизвикуваат рак.
Војната завршува на 9 јуни откако СРЈ и НАТО силите во Куманово го потпишуваат т.н. Кумановски Договор со кој се стави крај на бомбардирањата. Според договорот на територијата на Косово треба да се разместат 45.000 војници предводени од НАТО и со мандат од Обединетите Нации. Во врска со тоа се постигнува согласност Советот за Безбедност на ОН да донесе соодветна резолуција. Врз основа на тоа, на 10 јуни е усвоена Резолуцијата 1244.
