Берлин, 8 февруари 2025 (МИА) – На две недели пред парламентарните избори, забележан е благ пад на поддршката на Конзервативната алијанса ЦДУ/ЦСУ, на екстремно десничарската Алтернатива за Германија (АфД) и на Социјалдемократите (СПД) на канцеларот Олаф Шолц, покажува најновото истражување на Институтот ИНСА што го пренесува ДПА.
Трите водечки партии загубиле по еден процентен поен во споредба со анкетата на весникот Билд од претходната недела.
Блокот ЦДУ/ЦСУ и натаму е во водство со 29 отсто, потоа е АфД со 21 отсто и СПД со 16 отсто.
Партијата Левица достигна 5%, што значи дека може да се надева дека ќе го помине прагот потребен за влез во парламентот. Зелените остануваат на четвртото место со 12%.
Популистичката алијанса Сахра Вагенкнехт, исто така, стагнира со 6%, додека либералната Слободна демократска партија – која беше дел од владината коалиција до повлекувањето во ноември, што ги поттикна претходните избори – останува на 4%, а со тоа и под прагот од 5%.
Останатите партии пораснаа за два поена и заедно сега сочинуваат 7%.
Анкетата на ИНСА е спроведена од 3 до 7 февруари годинава на примерок од 1.204 лица.
Од Сашо Арсовски Извор МИА
