Иран повторно го отвора пристапот до интернет, објавија иранските државни медиуми во понеделникот, повикувајќи се на портпаролот на Министерството за комуникации. Оваа одлука доаѓа по 87 дена блокада, за време на кои мнозинството од граѓаните на Иран немаа пристап до глобалната мрежа.
Иранскиот претседател Масуд Пезешкиан издаде наредба за повторно воспоставување на меѓународниот интернет пристап. Според податоците на интернет опсерваторијата NetBlocks, само мал број корисници успеаја да ги заобиколат ограничувањата користејќи скапи и напредни VPN услуги.
Блокадата на интернетот беше воведена по почетокот на нападите од страна на САД и Израел, што дополнително го ограничуваше протокот на информации од земјата. Овој прекин се случи во време на интензивни воени операции и обиди за контрола на информациите во Иран, додека се одвиваа борби на теренот и безбедносни операции поврзани со конфликтот.
Ова не е прв пат Иран да воведе блокада на интернетот. Слични мерки беа применети и во минатото за време на големи протести против владата, кога властите се обидуваа да го ограничат ширењето на информации и да го отежнат организирањето на демонстрации.
Повторното отворање на интернетот доаѓа по речиси три месеци ограничувања, кои значително влијаеа на секојдневниот живот на граѓаните, нивното деловно работење и комуникацијата со странство. Властите засега не објавија точен временски рамки за целосна нормализација на пристапот до мрежата.
