Двајца државјани на Албанија биле лишени од слобода на два гранични премини при влез во државата, по извршени гранични проверки и утврдени мерки во службените евиденции.
Како што информира полицијата, на 25 мај 2026 година во 08:00 часот на Граничниот премин Блато, полициски службеници од Полициската станица за граничен премин и граничен надзор Блато го привеле С.Х. (51) од Република Албанија. При проверките било констатирано дека во оперативната евиденција е заведeн со мерка „апси“ по барање на Интерпол Луксембург.
Истиот ден, во 14:30 часот на Граничниот премин Ќафасан, на влез во државата бил лишен од слобода и М.С. (67) од Република Албанија. При граничните проверки било утврдено дека бил баран од НККР Струга поради постоење основи на сомнение за сторено кривично дело „кражба“.
По целосното документирање на двата случаи, против лицата ќе бидат поднесени соодветни пријави.
