Германската автомобилска индустрија забележа загуба од над 48.700 работни места во период од една година, покажуваат најновите податоци од германскиот завод за статистика, Дестатис. Овој пад на работните места претставува намалување од околу 6,3 проценти од вкупната работна сила во секторот. Според податоците, бројот на вработени на крајот од третиот квартал 2025 година изнесува 721.400, што е најнизок ниво од вториот квартал 2011 година, пренесува Дојче веле.
Според Дестатис, автомобилската индустрија и понатаму е вториот најголем индустриски работодавач во Германија, по машинската индустрија која вработува 934.200 работници=. Вкупниот број индустриски работни места во земјата е намален за 2,2 проценти во однос на претходната година, но загубата во автомобилскиот сектор значително го надминува просечниот тренд.
==
