Голем дел од општина Сарај, како и повисоките делови на Ѓорче Петров, од утрово се соочуваат со прекин во водоснабдувањето поради поголем дефект на водоводната мрежа. Според информациите од ЈП „Водовод и канализација – Скопје“, проблемот настанал на улица „20“ во Сарај, каде оштетување на затворач со пречник од 350 милиметри предизвикало запирање на дотокот на вода.
Прекинот започнал околу 07:30 часот, а без вода се жителите на Лака, Крушопек, Грчец, Шишево, Глумово, Горна и Долна Матка, Арнакија, Љубин и селото Сарај, додека во Ѓорче Петров најпогодени се високите катови. Од претпријатието велат дека нивните екипи веќе работат на терен и се прави сè за што побрзо стабилизирање на снабдувањето.
