Министерството за внатрешни работи соопшти дека синоќа на Меѓународниот аеродром Скопје биле преземени мерки против група словачки навивачи кои предизвикале неред во авионот со кој пристигнале во земјата. Околу 20:30 часот, надлежните служби пријавиле дека повеќе лица под дејство на алкохол се однесувале агресивно и ги нарушувале правилата на однесување и за време на летот и по слетувањето, при што бил вознемирен и екипажот и останатите патници.
Полицијата веднаш интервенирала, при што бил приведен 38-годишниот Л.Т. од Словачка. За уште десет членови на групата, поради нивното однесување и проценети безбедносни ризици, било одлучено да не им се дозволи влез во државата.
МВР информира дека работата на случајот продолжува, а по комплетирањето на доказите ќе следува соодветна пријава против приведеното лице.
