Во скопската општина Карпош вчера вечер љубовна расправија ескалирала во сообраќаен инцидент и физички напад, соопштија од Министерството за внатрешни работи (МВР).
Според информациите, 44-годишен маж од тетовско пријавил дека неговата партнерка, по вербална расправија, со своето возило удрила во неговиот автомобил, а потоа со остар предмет му ги оштетила гумите и физички го нападнала.
Инцидентот се случил вчера околу 19 часот, а пријавата во полицијата била поднесена во раните утрински часови на 17 октомври.
Од МВР потврдија дека случајот е пријавен и дека се преземаат мерки за негово целосно расчистување и документирање.
„Се преземаат активности за утврдување на сите околности поврзани со настанот,“ велат од Министерството.
▶ Случајно видео
Пробај ја и оваа алатка:
