Претседателката на Советот на Општина Куманово, Ивана Ѓорѓиевска, денеска имаше средба со претставници од здружението “Пчела” – Куманово, кои за прв пат ќе го посетат големиот интернационален саем во Словенија, претстојниот викенд.
На едукативниот собир, Македонија ќе ја претставуваат 110 пчелари од повеќе градови, од кои 40 пчелари од Куманово, што претставува своевиден куриозитет и ќе биде од голема важност за просперитет и развој на оваа производствена гранка.
Во рамки на претстојот во Словенија, пчеларите ќе имаат можност да посетат повеќе места, пчеларски центри и индивидуални мега производители на мед: Блед, пчеларски музеј Радовљица, пчеларски центар Лесце, саемот во Цеље, Пчеларски сојуз на Словенија, Европски пчеларски сојуз во близина на Љубљана, АПИ Центар Мажијев Грич и посета на словенечките веле производители на мед, Ерик Лузнар и сопственикот на пчеларскиот музеј Антон Кобељ, “Куќата на крањска пчела”.
Извор:kumanovo.gov.mk
