Сивец е најпознатото македонско рудно наоѓалиште на мермер кое е лоцирана во близина на Прилеп. Сепак, ова наоѓалиште на мермер не е познато само во Македонија туку и пошироко. Сето тоа е така благодарение на истоимениот мермер кој благодарение на високиот квалитет и одличната белина важи и за еден од најдобрите во Светот.
Од ова наоѓалиште долги децении се експлоатира мермер кој по обработката се продава во шест типови. Од сјајно бел, до бел со дамки. Како таков искористен е во многу објекти изградени ширум планетата Земја.
Мермерот Сивец се наоѓа во голем број на градби и споменици во Македонија како што се Порта „Македонија“, Могила на непобедените, псомениците на Методија Андонов – Ченто, Цар Самоил, Јустинијан I, но и во бројни објект лоцирани надвор од Македонија.
Еден од најимпресивните објекти е Џамијата посветена на шеикот Зајед, лоцирана во Абу Даби, Обединетите Арпаски Емирати. Станува всушност збор за најголемата џамија во оваа земја која се градела цели 13 години, од 1994 до 2007 година. Се наоѓа на површина од над 120 илјади метери квадратни, благодарени на што може да прими дури 40 илјади верници, а има и ччетири минариња во висина од по 115 метри и дури 57 куполи.
Мермерот Сивец е употребен за надворешната фасада и во однос на останатите видови мермер е најприсутен во објектот. Покрај познатиот македонски мермер, употребени се и два вида мермери од Италија и по еден од Индија и Кина.
