Во второто тримесечје од 2025 година стапката на слободни работни места во земјава изнесува 2,08 проценти, покажуваат најновите податоци. Најголема побарувачка има во услужните дејности и продажбата, каде што се регистрирани 2.008 слободни позиции.
Југоисточниот регион е на врвот со стапка од 2,54 проценти, додека најмногу отворени работни места имаат фирмите со 10 до 49 вработени – 2,69 проценти.
Секторот со најголема побарувачка е „објекти за сместување и сервисни дејности со храна“, каде стапката достигнува 3,77 проценти. Најмалку слободни места има во јавната управа и одбраната, каде што стапката е само 0,36 проценти.
