Мигрената е честа и неподнослива појава за многумина, а новите информации за нејзино ублажување предизвикуваат интерес. Според некои медицински експерти, комбинацијата на Coca-Cola и помфрит од McDonald’s може да донесе олеснување, дури и подобро од некои лекови. Оваа невообичаена теорија стана популарна на социјалните мрежи, откако еден корисник сподели видео во кое објаснува како му се подобрува состојбата по консумирање на овие производи.
Според доктор Myro, постојат три главни причини за оваа појава. Првата е психолошкиот ефект на храната. Консумирањето на омилениот брз оброк може да предизвика ослободување на допамин, хормон кој создава чувство на задоволство и награда. Ова може да помогне во ублажувањето на болката, без оглед на моменталната состојба.
Втората причина е присуството на кофеин во Coca-Cola. Со околу 85 милиграми кофеин, овој напиток може да биде поефикасен од некои лекови против болка. Кофеинот делува на рецепторите во мозокот и може да помогне во ублажувањето на симптомите на мигрена, но е важно да се напомене дека кај некои луѓе, кофеин може да предизвика мигрена.
Третата компонента е солта од помфритот. Доктор Myro објаснува дека високата содржина на сол може да помогне во хидратацијата на организмот, што понекогаш може да ублажи главоболка. Сепак, и тука постои ризик, бидејќи кај некои луѓе, солта може да предизвика мигренозен напад.
Иако оваа комбинација може да донесе привремено олеснување за некои, експертите предупредуваат дека не е универзален лек и не треба да се користи како замена за медицинска терапија. Мигрената останува сложена состојба и секоја терапија треба да биде индивидуализирана. Сепак, за оние кои страдаат од мигрена, можеби вреди да се проба, но со претпазливост.
