Мадрид, 2 април 2025 (МИА) – Невработеноста во Шпанија се намали повеќе од очекуваното во март, покажуваат денеска објавените податоците на Министерството за труд.
Бројот на невработени регистрирани во државната јавна служба за вработување е намален за 13.311 во март во однос на претходниот месец. Економистите прогнозираа дека бројот на невработени ќе биде намален за 2.500.
Регистрираната невработеност се намали на 2,58 милиони во март. Бројот на невработени достигна најниско ниво за месец март од 2008 година.
Во однос на претходната година, невработеноста е намалена за 146.865 лица или 5,39 отсто.
Во услугите и индустријата, регистрираната невработеност е намалена за 14.461 и 1.498 во однос на претходниот месец. Невработеноста во градежништвото е намалена за 909, а за 93 во земјоделството.
Понатаму, податоците покажаа дека бројот на млади невработени во март изнесува 197.524, што е најниско во серијата за месец март.
Од Рената Пепељугоска Извор МИА
