Општина Карпош остро реагира на изјавите на Сотир Лукровски, пријател на Христијан Мицковски, кој тврди дека во општината постојат 11.000 нерешени предмети за легализација. Според општинските власти, таквите информации се неточни и неосновани.
Фактите покажуваат дека од 2011 до 2018 година, општина Карпош примила вкупно 12.688 барања за легализација, од кои 9.385 се веќе решени. Во моментов, остануваат 3.303 барања, од кои најголемиот дел се со нерешени имотно-правни и оставински постапки, за кои се чека завршување на судските процедури. Дел од барањата бараат дополнителна документација, а мал број се во тек на решавање.
Од општина Карпош истакнуваат дека основен услов за кандидатите за градоначалник е да бидат добро информирани и да не шират лажни информации. “Ако кандидатот за време на кампањата дава невистини, какво функционирање може да се очекува од него како градоначалник?” – се прашуваат од општината.
Во завршниот дел од демантот, општина Карпош го повикува г-дин Христијан Мицковски да го едуцира својот кандидат и да не ги вознемирува директорките на градинките и училиштата.
