Од надлежните служби информираат дека поради планирани зафати во електродистрибутивната мрежа, во наредните денови без електрична енергија ќе останат делови од Прилеп и Охрид.
Во Прилеп, во петок, 16 јануари 2026 година, од 10:00 до 15:00 часот, прекин во снабдувањето со електрична енергија ќе имаат корисниците на улиците Пецо Спиркоски, Ристе Ристески Ричко и Киро Ќососки.
Во Охрид, планирани прекини се најавени за четврток, 15 јануари 2026 година, во периодот од 09:30 до 16:00 часот. Без струја ќе бидат дел од објектите во охридската чаршија, на потегот од „Кафе Корнер“ до „Ваикики“, како и дел од објектите во Охридскиот пазар.
Од електродистрибуцијата апелираат граѓаните и деловните субјекти навремено да ги планираат своите активности и потсетуваат дека прекините се неопходни за подобрување на сигурноста и квалитетот на електроснабдувањето.
