Денеска на 70 годишна возраст во Белград по тешко боледување почина Саша Поповиќ, основач и креативен директор на „Гранд продукција“, еден од највлијателните луѓе во српскиот шоу-бизнис.
Саша Поповиќ роден на 24 април 1954 година во Нови Сад, беше семеен човек, сопруг и татко. Во бракот со Сузана ги одгледа Александра и Даниел.
Како коосновач на дискографската куќа „Гранд продукција“, Саша Поповиќ остави неизбришлива трага не само како музичар и водител, туку и како визионер и творец на многу идеи кои придонеле за развојот на музичката сцена на Балканот.
Тој е автор на „Ѕвезде Гранда“, најгледаното музичко шоу во регионот од каде произлегоа бројни музичари. Сепак ќе остане запаметен по проектот „Слатки грех“ кога заедно со Лепа Брена ја направија најголемата музичка турнеја низ Југославија.
