Во Скопје денес ќе се одржи атлетска трка на 10 километри, поради што ќе биде воведен посебен режим на сообраќај на дел од патиштата кон Водно.
Трката ќе започне во 10:00 часот, а учесниците ќе се движат по регионалниот пат Р2138, на релација од Средно Водно до паркингот кај манастирот „Св. Пантелејмон“ и назад.
Поради одржувањето на настанот, сообраќајната полиција ќе преземе мерки за регулирање на движењето, при што возилата ќе бидат пренасочувани по алтернативни правци.
Од Министерството за внатрешни работи апелираат до граѓаните да ги почитуваат упатствата и наредбите на полициските службеници, со цел непречено и безбедно одвивање на настанот.
