Тајпеј, 2 јуни 2024 (МИА) – Тајванската влада соопшти дека длабоко жали за „провокативните и неразумни забелешки“ на кинескиот министер за одбрана,Донг Џун, на безбедносниот форум „Шангри-Ла“ во Сингапур, јавија британските медиуми.
„Кина постојано се заканува дека ќе употреби сила против Тајван на меѓународните форуми, а овие закани се во спротивност со Повелбата на ОН“, соопшти тајванскиот совет за прашања на копното (тајванската владина агенција задолжена за односите со континентална Кина).
„Објективен факт е дека двете страни на Тајванскиот теснец не се потчинети една на друга, а токму тоа е статус кво-то во Тајванскиот теснец“, посочи Советот.
Од Сашко Димевски Извор МИА
