Полициски службеници на Граничен премин Деве Баир го лишиле од слобода Е.К. (46) од Турција, откако при гранична контрола на влез во државата било утврдено дека приложил фалсификувани зелени карти за товарно возило.
Инцидентот се случил на 18 јануари 2026 година околу 18 часот, кога при увид во документацијата за товарното возило „Форд“ со полуприколка, со турски национални ознаки, биле забележани неправилности кои укажуваат на фалсификат.
По приведувањето, лицето било предадено на полициски службеници од ОВР Крива Паланка, каде што се преземаат понатамошни мерки за целосно расчистување на случајот.
По комплетирање на документацијата, против осомничениот ќе биде поднесена соодветна кривична пријава, информираат од полицијата.
