spot_img

Либан истрела 25 проектили кон Голанската висорамнина

Тел Авив, 14 април 2024 (МИА) – Во Голанската висорамнина утрово се огласија сирени за тревога бидејќи Либан истрела околу 25 проектили, соопштија израелските одбранбени...
spot_imgspot_img
ПочетнаВестиСветВо Молдавија пронајдени остатоци од руски дрон од иранско производство

Во Молдавија пронајдени остатоци од руски дрон од иранско производство

Кишињев, 5 април 2024 (МИА) – Граничната полиција на Молдавија вчера соопшти дека пронашла и обезбедила остатоци од руско беспилотно летало од иранско производство на границата на земјата со Украина.

Во полициското соопштение се наведува дека остатоците се пронајдени во близина на селата Етулија и Владичени и дека го носат натписот Херан-2, второто име за беспилотните летала Шахид од иранско производство што ги користи Русија во конфликтот со Украина.

Остатоците се пронајдени во област на околу 500 метри од границата со Украина, со ограничен пристап до областа, соопшти полицијата. Во остатоците немало опасни елементи и немало никаква опасност за жителите на околината.

Досега на територијата на Молдавија, која се наоѓа меѓу Украина и Романија, имаше неколку случаи на пронајдени остатоци од руски дронови и проектили. Во февруари во близина на истите села беа пронајдени фрагменти од дрон.

Проевропската претседателка Маја Санду ја осуди руската инвазија на соседна Украина и ги издвои Москва и корупцијата како двете најголеми закани за суверенитетот на нејзината земја.

Од Сашко Димевски Извор МИА

Придружете се на Вибер каналот на Македонија Денес. Притиснете ТУКА.
spot_img
spot_img