Подготовките за одбележувањето на 30-годишниот јубилеј на Пука Козметика веќе се во напредна фаза. Во рамки на кампањата „30 години Пука Козметика“, денот беше посветен на специјална фотосесија подготвена од фотографот Марјан Стојковски, кој работи меѓу Скопје и Мелбурн, Австралија. Стојковски успеал да ја долови препознатливата енергија на групата, создавајќи материјал кој, како што велат од тимот, ќе остане „спомен за навек“.
Фотографиите дополнително ги обработил Niko Putica, кој се погрижил визуелниот материјал да биде подготвен за потенцијална употреба во меѓународни музички и уметнички магазини. Со тоа, промотивната кампања на Пука Козметика добива уште пософистицирана и професионална димензија.
Голем јубилеен концерт – 13 декември во МКЦ
Централниот настан по повод 30 години Пука Козметика ќе се одржи на 13 декември 2025 година во Младинскиот културен центар (МКЦ). Програмата го следи развојот и духот на бендот – од приказна, преку музика, до голема прослава со пријателите и публиката.
Програма:
- 19:30 – „Приказната на Пука Козметика“ (кино Фросина)
Документарна ретроспектива посветена на бендот и нивните три децении на сцената. - 21:00 – Промоција на винил и коктел
Ексклузивна промоција на новото винил издание, придружена со пригоден коктел. - 22:00 – Концерт: Пука Козметика и другарите (Денсинг сала)
Голема концертна журка за сите генерации кои израснаа со нивната музика.
Билетите за настанот се продаваат по цена од 300 денари и може да се набават онлајн преку:
https://mktickets.mk/event/30-godini-puka-kozmetika/
Јубилејот ветува вистински спектакл – обединета приказна, музика, уметност и луѓе кои три децении стојат зад брендот Пука Козметика. Настан кој љубителите на алтернативната сцена нема да сакаат да го пропуштат.
