Три одвоени случаи на возење под дејство на алкохол биле регистрирани изминатото деноноќие во Крушево, Прилеп и Битола, при што полицијата привела тројца возачи поради сериозно високо ниво на алкохол во крвта.
Првиот случај се случил по полноќ, околу 01:05 часот, на улицата „Тодор Проески“ во Крушево, каде полициски службеници запреле „голф“ со прилепски таблички. Возачот Д.Д. (23) од Прилеп бил тестиран и му биле измерени 1,58 промили алкохол во крвта, по што веднаш бил лишен од слобода.
Неколку часа претходно, во 18:37 часот, на локацијата викана „Стопанство“ во Прилеп, бил сопрен „фиат“ управуван од 51-годишен жител на Кривогаштани. Алкотестот покажал дури 3,37 промили алкохол – концентрација која претставува сериозна опасност по безбедноста во сообраќајот.
Третиот инцидент бил регистриран во 02:12 часот на улицата „4 Ноември“ во Битола. Полицијата запрела „голф“ со битолски таблички, а кај 21-годишниот возач од селото Брусник биле утврдени 1,54 промили алкохол.
Од Министерството за внатрешни работи информираат дека по целосно документирање на случаите ќе бидат поднесени кривични пријави за „безобѕирно управување со моторно возило“, согласно член 297-а од Кривичниот законик.
