spot_img

Приведен велешанец поради предизвикување пожар

Скопје, 21 јули 2024 (МИА) - Велешанец е приведен денеска под сомнение дека предизвикал пожар кај депонијата што се наоѓа на патот од село...
spot_imgspot_img
ПочетнаМагазинПатувањеАвиолинија Скопје-Крф од 1 јуни со Ејџијан Ерлајнс

Авиолинија Скопје-Крф од 1 јуни со Ејџијан Ерлајнс

Скопје, 2 април 2024 (МИА) –  Директна сезонска авиолинија од Меѓународниот Аеродром Скопје до Аеродромот Крф  ќе биде воведена од 1 јуни годинава. Патувањето до оваа  летна дестинација ќе трае еден час и 15-тина минути, објави денеска ТАВ Македонија, операторот на македонските аеродроми.

На линијата Скопје-Крф ќе лета грчката национална авиокомпанија Ејџијан Ерлајс, до крајот на септември, со две неделни фреквенции, или секојa сабота (недела) и секој вторник (среда).

Времето на поаѓање, во сабота и вторник, од скопскиот аеродром ќе биде во 21:35 часот (локално време), а времето на пристигнување на аеродромот во Крф во 23:50 часот (локално време), додека времето на поаѓање, во недела и среда, од аеродромот во Крф ќе биде во 00:20 часот (локално време), а време на пристигнување на скопскиот аеродром во 00:30 часот (локално време).

-Како аеродромски оператор, ние сме пресреќни што го најавувавме воведувањето на новата сезонска авиолинија на AEGEAN што ќе го поврзе Скопје со Крф, од 1 јуни. По Атина и Сараево, директниот лет до Крф ќе биде третата дестинација што AEGEAN ја воведува од Меѓународниот Аеродром Скопје. Оваа нова авиолинија за рекреативен туризам е доказ дека партнерството и соработката со AEGEAN продолжува со проширување на поврзаноста на Скопје. Оваа авиолинија ќе обезбеди леснотија и удобност за нашите патници кои сакаат да стигнат до еден од најатрактивните грчки острови како нивна дестинација за одмор, изјави Неџат Курт, генерален директор на ТАВ Македонија.

Претставниците на ТАВ Аеродроми потенцираат дека оваа нова сезонска авиолинија дополнително ќе го збогати портфолиото на Меѓународниот Аеродром Скопје и мапата на мрежата на авионски конекции, особено што, како што истакнуваат, Крф е атрактивна летна дестинација до која сега може да се стигне за само еден час и 15-тина минути.

ТАВ Македонија, подружница на ТАВ Аеродроми, ги заврши јануари и февруари 2024 со  243.244 патници на двата македонски аеродром – Меѓународниот Аеродром Скопје и Аеродромот Св. Апостол Павле Охрид, што претставува пораст од 47 проценти споредено со јануари и февруари 2023 година. Во исто време, бројот на летови на двата аеродрома во првите два месеца е 1.931, со 38 проценти годишен пораст.

Од Лидија Велковска Извор: МИА

Придружете се на Вибер каналот на Македонија Денес. Притиснете ТУКА.
spot_img
spot_img