Општина Ѓорче Петров не застанува со својата градежна офанзива, а последниот проект кој привлекува внимание е изградбата на седум нови приклучни улици. Со вкупна должина од 1.700 метри, овие улици ќе значат значително подобрување на локалната патна мрежа, безбедноста и пристапноста за жителите на општината.
Меѓу улиците кои се реконструираат е и улицата 102, каде што се изведуваат целосни работи на уредување на коловозот. Оваа иницијатива има за цел да обезбеди современа, функционална и безбедна инфраструктура за жителите, решавајќи долгогодишни проблеми со патната мрежа.
Градоначалникот Александар Стојкоски нагласи дека инвестициите во локалната инфраструктура остануваат приоритет за општината. „Продолжуваме посветено да работиме во секој дел од општината. Нашата цел е јасна – модерно, уредено и функционално Ѓорче Петров, каде граѓаните ќе имаат достоинствени услови за живот. Нема запирање кога се работи за потребите на народот,“ изјави Стојкоски.
Со овие активности, Општина Ѓорче Петров не само што ги подобрува условите за живот, туку и создава основа за рамномерен развој на сите населени места. Во наредниот период, општината планира да продолжи со динамична реализација на инфраструктурни проекти, со цел да се подобри квалитетот на живот на своите граѓани.
