Пишува Тодор ПЕТРОВ
Името на државата е идентитетот на нацијата (демосот) како синоним за држава, чија основа е народот (мнозинскиот етнос како носител на државноста) заедно со националните етнички малцинства. И ова не е екслузивност, туку правило за сите држави во светот. Па, како за сите, така и за нас, Македонија не може и не смее да биде исклучок, глобален експеримент што би било кога би било… за ништо да не биде…
И се’ додека тоа не го разбереме, нема одбрана од софиската агресија за денационализација и негација до асимилација на македонскиот народ во сопствената држава Македонија, оттаму и кон Македонците во сите делови на Македонија и светот.
Исто како во медицината: Без правилна дијагноза нема ниту правилна терапија, без дијагноза секој лек е отров за душата и телото.
Затоа, за да не биде одбраната од бугарската агресија јалова и реторичка а неефективна, каква што беше и е и кон грчката агресија и негација, потребно е: (1) итно и безусловно еднострано раскинување на Договорот Димитров-Коѕиас од 17 јуни 2018 година, истовремено и Договорот Заев-Борисов од 1 август 2017 година заедно со Протоколот Османи-Генчовска од 17 јули 2022 година; (2) итно и безусловно еднострано распуштање на меѓувладините македонско-бугарска и македонско-грчка комисија за ревизија на македонската историја; и (3) итно и безусловно продолжување на членството на државата Македонија во Организацијата на Обединетите Нации под единственото историско, државно и генеричко име кое се состои само од еден единствен збор – зборот Македонија!
Се’ друго е демонтажа на Македонија од држава во територија без македонски народ и историја чии администратори ќе бидат Атина и Софија. Односно, Македонија од држава на Македонскиот народ да се демонтира во држава на национални малцинства, со македонскиот народ како едно од многуте национални малцинства во сопствената држава Македонија. Нели, национално малцинство во една држава не може да има свои национални малцинства во други држави.
Се’ друго е политика “дај пари купи ден”, тендер-провизија и замајување на јавноста поради страст за власт и сласт за моќ и пари, а заради други и туѓи интереси. Мафијата на власт. При отворени очи – слепи, при незатнати уши – глуви, при незатворена уста – неми…
Никогаш северна, само Македонија вечна од исконот до бескрајот!
Колумната е личен став на авторот.
