Против 51-годишен жител на Кратово е поднесена кривична пријава поради сомнение дека користел фалсификувана возачка дозвола.
Како што информира Одделение за внатрешни работи Кратово, пријавата е поднесена против И.М. (51) за сторено кривично дело „употреба на исправа со невистинита содржина“.
Настанот се случил на 8 ноември минатата година, кога полициски службеници сопреле патничко возило „сеат ибица“ кое го управувал пријавениот. При контролата, тој приложил возачка дозвола за која било утврдено дека е фалсификувана.
По целосно документирање на случајот, против лицето е поднесен соодветен кривичен поднесок.
